Repran mo liberte mo nepli oule sa
Mo ti loze bien nouri
Abiye pa touni
Seki pou met pou mwa
Napa enn zour ki mo vant ti vid
Mo pou brile met dife
Repran mo liberte
Mo napa oule sa repran li
Repran li mo dir ou mo na pa oule sa…
Mo pou debat silefo lamor
Se ki appel liberte mo pale
Pli vomie mor esklav van plin ki viv lib vant vid
Rann mwan mo lasenn
Met li dan mo likou, mo lipie mo lavi
Repran zot liberte sa mo napa le
Repran zot liberte mo na pa oule tann koz sa
Mo le zis manze dormi leve
Les mwan trankil
Atas mwan et enn pie
Avek enn lak doub kle
Dir seki zot le
Mo pa le pense
Mo pa le reve
Mo le zis viv
Malgre enn de ti kout fwet
Detrwa maltrete
Me loze , nouri
Repran mo dir , repran mo liberte mo napa le sa.
