Festival kreol

Mwa d’oktob inn arrive

Degaze tou dimoun koste

Rodrig konzig li en kreol

Koste sakenn so valer

Fer to talan pran laoter

Dan tou kwen Rodrig

Ka-ty-a ka-ty-a kou-doum ka-doum

Dan zarden,  Kiltir fleri

fierte nou pei bourzonnen

Sega tambour fer lerin bouze

Sa pou nou, de koumsa napa

Se pou sa ki nou la

Lakwizinn roule a toutler

Gro manze gagn valer

Ourit,zariko,ek may nou manze

Bob, tant ek moulen nou ranze

Zil fleri ek sapo lapay

Karo ranpli ek zepi may

Leker lazwa tout enn pep

Samenm fer nou enn vre pep

Lamizik soud nou fraternite

Gou lakwizinn fer nou fierte

Nou kiltir nou langaz senbol nou lidantite

Enspire par le pase,nou konstrir lavenir.

Mo enn kreol

Modle dapre lanvi mo kreater dan mo zil natal

Mo kouler manman later ti fer mwan kado

Mo seve nwar avek refle rouz kolorie dan labriz ek soley

Blanser mo ledan reflet pirte mo leker

Mo sourir rakont zitwar mo lavi

Mo lamwel grefe dan marmit kreol

Modle par valer mo gran dimounn

Zekli ek labrez mo lavi resof leker mo pep

Mo laservel forme par profonder mo rasinn

Lafors mo lebra kopie kouraz mo travay

Mo Pasion  fleri dan zardin kreol mo pei

Disan monte desann dan sak lavenn ran omaz kreol ki dan mwan

 Mo kadans Selebre leritaz mo pep

Mo timidite reflekte mo laprid

Mo laper laglas mo zistwar

Mo fierte konfonn ek fierte

Mo marse  latet bese

Mo per mo lekzistans  mem,   enn insilte pou etranze

Mo laont fer briyar mo sourir

Mo  kouse , mo tranble

Leritaz  disgras lesklavaz

mo  mo konba pou sirvi

enn karakter depoze

lot kado mo anset

zordi mo fier mo melanz

Enn metisaz kalite ek defo

Lor ki mo konstrir mo lafors

Konstrir mo lavenir tou kreol ki mo ete

Yer zordi ek demin, mo lavenir an kreol